《绿色短评》

 | | | 转寄

向以色列人行最敬礼！

作者 李南衡, ChoânTâijī/全台字 by Chng Hūi-phêng 2023.10.22




Choânbîn Tâioânjī pán/全民台湾字版简称ChoânTâiJī


《 Le̍ksek toánphêng 》　 Lí Lâmhêng

Hiòng Isulael lâng kiâⁿ chòe kèng lé!

　　 Cha̍pgoe̍h chhechhit, Pale̍ksuteng kek chìn cho͘chit 哈玛斯(Hamas), soanchheng tī nn̄g tiámcheng lāi ùi 加萨走廊 hiòng Isulael hoatsiā 5,000 lia̍p hóechìⁿ, Isulael chosiūtio̍h pòaⁿ sèkí ílâi siōng tōa ê kongkek sūkiāⁿ, Hamas chhèng chhiú thu̍tphòa Isulael ōe tēng ê oānchhiongkhu kah anchoân ûinôa, ùi háilio̍kkhong chìnji̍p Isulael lâmpō͘, tī 27 ê tētiám chìnhêng siámtiānsek ê kongkek, siàu kah khòaⁿtio̍h lâng tō sàusiā, chhèngsat ê thêngtō͘.


Cha̍pgoe̍h chhechhit thàuchá, 50 miâ 哈玛斯chhèngchhiú ùi thiⁿténg kànglo̍h, tu̍tsi̍p(突袭) 加萨 tēkhu chiupiⁿ, Isulael ê soabô͘ tēkhu tngteh kípān chi̍t tiûⁿ ū kúi chheng lâng chhamka ê imga̍k cheh. 哈玛斯 khòaⁿtio̍h lâng tio̍h khui chhèng, sí bô khì cháu bē lī hō͘哈玛斯lia̍h khì 150 lâng choh jînchit・ê ū chin chē miâ gōakok lâng, 哈玛斯 ū khólêng ēng chhiú lāi ê jînchit uihia̍p Isulael. Tējī kang tī imga̍k ē hiān tiûⁿ ū hoathiān tio̍h 260 ê sithé.

　　 Cha̍pgoe̍h chhechhit cháikhí, ū chhiaukòe 70 miâ 哈玛斯 búchong hūnchú chhimji̍p óa 加萨走廊 ê chi̍tê Iôtáiah lâng îbînkhu卡法阿札, tùi tongtē kubîn chìnhêng tōa tô͘sat, hiāntiûⁿ hoathiān tāiiok 200 ê Isulael lâng ê síthé, pauhâm 40 ê iù gíná ê sithé, ū ê iù gíná ê thâu hông chām tiāu.

　　 Cha̍pgoe̍h chhechhit, Isulael hoat pò͘"chiàncheng chōngthāi kéngpò", chiamtùi 哈玛斯 ê kongkek, Isulael kokhông pō͘tiúⁿ kiôngtiāu, in hoān liáu giâmtiōng chhògō͘. Isulael chónglí Netânyáhu誓言beh tùi 加萨走廊 hoattōng pòho̍k sèng hoánkek. Kàu cha̍pgoe̍h cha̍pit ûichí, sianghong ū chhiaukòe 2,400 lâng síbông, ū 7,500 lâng siūsiong.

　　 Cha̍pgoe̍h chhechhit, Isulael kokhôngkun khaisí tōa kuibô͘ chūchi̍p pengla̍t, tengtiàu āupī e̍k kunjîn thiánkhui hoánkek, koklān tngthâu, Isulael īpī e̍k jînoân hunhun hióngèng hōtiàu, chêng chónglí 班奈特 mā kaji̍p īpī e̍k hânglia̍t. Kàu cha̍pgoe̍h chhecha̍p Isulael āupī kun tāngoân jînsò͘ íkeng ta̍tkàu 36 bān.

　　 Cha̍pgoe̍h chhepeh sinbûn pòtō, sa 31 hòe ê阿夫拉哈米 íkeng tī Bíkok Newiok sengoa̍h sì nî, i kóng i kakī chin hēngūn, bó͘ kah chhitkò goe̍h tōa ê châbó͘kiáⁿ lóng bián siū pōle̍k chhimhoān, tānsī koklān tng chêng, i tio̍h sûisî khoán hó hênglí, bé "tan chōa kiphiò", chhepeh tio̍h ē kàu chi̍tê kitē pòtò.

　　 Engkok 《BBC》 kìchiá seng poe khì 赛普勒斯, bô siūⁿ kóng chiânóng Isulael ê kiphiò lóng chóng tēng móa, lóng sī beh kóaⁿ tńgkhì chohpeng・ê. I choán poe khì 伊斯坦堡, chúnpī choánki khì Isulael, tánthāi 9 tiámcheng. Chin chē lúkheh lio̍ksio̍k chiūⁿki, kantāⁿ i bô. Hângkhong kongsi tēkhûn jînoân kā i kóng, hiahê hângpan sī "Isulael lâng hôekok ê kínkip panki".

Isulael khétāng tengtiàu tòatī kokgōa ê āupī kunjîn hôekok, cha̍pgoe̍h chhepeh, Isulael chù Athénè tāisàikoán chhōa thâu hióngèng, tēng 20 chiah panki sàng Isulael kokchek āupī kunjîn kóaⁿ tńgkhì chó͘kok chham chiàn.

Cha̍pgoe̍h cha̍pit sinbûn pòtō, Bíkok Newiok 甘乃迪 kokchè kitiûⁿ chit kúi kang chhuthiān chi̍t miâ sînpì lâmchú khiā tī Isulael kokka hângkhong kūitâi hūkīn, tiāmtiām ūi siutio̍h Isulael kokhôngkun tengtiàu thongti hôekok ê lâng bé kiphiò, ki0cho͘ jînoân kóng hitê lâng chóngkiōng íkeng ū bé 250 tiuⁿ poe óng Isulael ê kiphiò.

Àikok piàⁿ tāiseng ê Isulael lâng, goán hiòng lín kiâⁿ chòekèng lé! (231013)

Chù, 哈玛斯 加萨走廊 卡法阿札　班奈特 阿夫拉哈米 赛普勒斯 伊斯坦堡　甘乃迪　chhiáⁿ liām Hôagí


Pe̍h-ōe-jī-pán/白话字版


《 Le̍k-sek toán-phêng 》　 Lí Lâm-hêng

Hiòng I-su-la-el lâng kiâⁿ chòe-kèng lé!

　　 Cha̍p-goe̍h chhe-chhit, Pa-le̍k-su-teng kek chìn cho͘-chit 哈玛斯(Hamas), soan-chheng tī nn̄g tiám-cheng lāi ùi 加萨走廊 hiòng I-su-la-el hoat-siā 5,000 lia̍p hóe-chìⁿ, I-su-la-el cho-siū-tio̍h pòaⁿ sè-kí í-lâi siōng tōa ê kong-kek sū-kiāⁿ, Hamas chhèng chhiú thu̍t-phòa I-su-la-el ōe tēng ê oān-chhiong-khu kah an-choân ûi-nôa, ùi hái-lio̍k-khong chìn-ji̍p I-su-la-el lâm-pō͘, tī 27 ê tē-tiám chìn-hêng siám-tiān-sek ê kong-kek, siàu kah khòaⁿ-tio̍h lâng tō sàu-siā, chhèng-sat ê thêng-tō͘.


Cha̍p-goe̍h chhe-chhit thàu-chá, 50 miâ 哈玛斯chhèng-chhiú ùi thiⁿ-téng kàng-lo̍h, tu̍t-si̍p(突袭) 加萨 tē-khu chiu-piⁿ, I-su-la-el ê soa-bô͘ tē-khu tng-teh kí-pān chi̍t tiûⁿ ū kúi chheng lâng chham-ka ê im-ga̍k cheh. 哈玛斯 khòaⁿ-tio̍h lâng tio̍h khui chhèng, sí bô khì cháu bē lī hō͘哈玛斯lia̍h khì 150 lâng choh jîn-chit-・ê ū chin chē miâ gōa-kok lâng, 哈玛斯 ū khó-lêng ēng chhiú lāi ê jîn-chit ui-hia̍p I-su-la-el. Tē-jī kang tī im-ga̍k ē hiān tiûⁿ ū hoat-hiān tio̍h 260 ê si-thé.

　　 Cha̍p-goe̍h chhe-chhit chái-khí, ū chhiau-kòe 70 miâ 哈玛斯 bú-chong hūn-chú chhim-ji̍p óa 加萨走廊 ê chi̍t-ê Iô-tá-iah lâng î-bîn-khu卡法阿札, tùi tong-tē ku-bîn chìn-hêng tōa tô͘-sat, hiān-tiûⁿ hoat-hiān tāi-iok 200 ê I-su-la-el lâng ê sí-thé, pau-hâm 40 ê iù gín-á ê si-thé, ū ê iù gín-á ê thâu hông chām tiāu.

　　 Cha̍p-goe̍h chhe-chhit, I-su-la-el hoat pò͘"chiàn-cheng chōng-thāi kéng-pò", chiam-tùi 哈玛斯 ê kong-kek, I-su-la-el kok-hông pō͘-tiúⁿ kiông-tiāu, in hoān liáu giâm-tiōng chhò-gō͘. I-su-la-el chóng-lí Ne-tân-yá-hu誓言beh tùi 加萨走廊 hoat-tōng pò-ho̍k sèng hoán-kek. Kàu cha̍p-goe̍h cha̍p-it ûi-chí, siang-hong ū chhiau-kòe 2,400 lâng sí-bông, ū 7,500 lâng siū-siong.

　　 Cha̍p-goe̍h chhe-chhit, I-su-la-el kok-hông-kun khai-sí tōa kui-bô͘ chū-chi̍p peng-la̍t, teng-tiàu āu-pī e̍k kun-jîn thián-khui hoán-kek, kok-lān tng-thâu, I-su-la-el ī-pī e̍k jîn-oân hun-hun hióng-èng hō-tiàu, chêng chóng-lí 班奈特 mā ka-ji̍p ī-pī e̍k hâng-lia̍t. Kàu cha̍p-goe̍h chhe-cha̍p I-su-la-el āu-pī kun tāng-oân jîn-sò͘ í-keng ta̍t-kàu 36 bān.

　　 Cha̍p-goe̍h chhe-peh sin-bûn pò-tō, sa 31 hòe ê阿夫拉哈米 í-keng tī Bí-kok New-iok seng-oa̍h sì nî, i kóng i ka-kī chin hēng-ūn, bó͘ kah chhit-kò goe̍h tōa ê châ-bó͘-kiáⁿ lóng bián siū pō-le̍k chhim-hoān, tān-sī kok-lān tng chêng, i tio̍h sûi-sî khoán hó hêng-lí, bé "tan chōa ki-phiò", chhe-peh tio̍h ē kàu chi̍t-ê ki-tē pò-tò.

　　 Eng-kok 《BBC》 kì-chiá seng poe khì 赛普勒斯, bô siūⁿ kóng chiân-óng I-su-la-el ê ki-phiò lóng chóng tēng móa, lóng sī beh kóaⁿ tńg-khì choh-peng-・ê. I choán poe khì 伊斯坦堡, chún-pī choán-ki khì I-su-la-el, tán-thāi 9 tiám-cheng. Chin chē lú-kheh lio̍k-sio̍k chiūⁿ-ki, kan-tāⁿ i bô. Hâng-khong kong-si tē-khûn jîn-oân kā i kóng, hiah-ê hâng-pan sī "I-su-la-el lâng hôe-kok ê kín-kip pan-ki".

I-su-la-el khé-tāng teng-tiàu tòa-tī kok-gōa ê āu-pī kun-jîn hôe-kok, cha̍p-goe̍h chhe-peh, I-su-la-el chù A-thé-nè tāi-sài-koán chhōa thâu hióng-èng, tēng 20 chiah pan-ki sàng I-su-la-el kok-chek āu-pī kun-jîn kóaⁿ tńg-khì chó͘-kok chham chiàn.

Cha̍p-goe̍h cha̍p-it sin-bûn pò-tō, Bí-kok New-iok 甘乃迪 kok-chè ki-tiûⁿ chit kúi kang chhut-hiān chi̍t miâ sîn-pì lâm-chú khiā tī I-su-la-el kok-ka hâng-khong kūi-tâi hū-kīn, tiām-tiām ūi siu-tio̍h I-su-la-el kok-hông-kun teng-tiàu thong-ti hôe-kok ê lâng bé ki-phiò, ki-0cho͘ jîn-oân kóng hit-ê lâng chóng-kiōng í-keng ū bé 250 tiuⁿ poe óng I-su-la-el ê ki-phiò.

Ài-kok piàⁿ tāi-seng ê I-su-la-el lâng, goán hiòng lín kiâⁿ chòe-kèng lé! (231013)

Chù, 哈玛斯 加萨走廊 卡法阿札　班奈特 阿夫拉哈米 赛普勒斯 伊斯坦堡　甘乃迪　chhiáⁿ liām Hôa-gí





　　十月初七，巴勒斯坦激进组织哈玛斯（Hamas），宣称tī两点钟内ùi加萨走廊向以色列发射5,000粒火箭，以色列遭受tio̍h半世纪以来上大ê攻击事件，哈马斯铳手突破以色列画定ê缓冲区kah安全围栏，ùi海陆空进入以色列南部，tī27个地点进行闪电式ê攻击，siàu kah看tio̍h人tio̍h扫射铳杀ê程度。


十月初七透早，50名哈玛斯铳手ùi天顶降落，突袭加萨地区周边、以色列ê沙漠地区当teh举办一场有几千人参加ê音乐节。哈玛斯看tio̍h人tio̍h开铳，死无去走bē离hō͘哈玛斯lia̍h去150人作人质ê有真chē名外国人，哈玛斯有可能用手内ê人质威胁以色列。第二工tī音乐会现场有发现tio̍h 260 ê死体。

　　十月初七早起，有超过70名哈玛斯武装份子侵入óa加萨走廊ê一个犹太人屯垦区卡法阿札，对当地居民进行大屠杀，现场发现大约200 ê以色列人ê死体，包含40 ê具幼gín-á ê死体，有ê幼gín-á ê头hông chām掉。

　　十月初七，以色列发布「战争状态警报」，针对哈玛斯ê攻击，以色列国防部长强调，in犯了严重错误。以色列总理Ne-tân-yá-hu誓言beh对加萨走廊发动报复性反击。到十月十一为止，双方有超过2,400人死亡、有7,500人受伤。

　　十月初七，以色列国防军开始大规模聚集兵力，徵召后备役军人展开反击，国难当头，以色列预备役人员纷纷响应号召，前总理班奈特mā加入预备役行列。到十月初十以色列后备军动员人数已经达到36万。

　　十月初八新闻报导，卅一岁ê阿夫拉哈米已经tī美国纽约生活四年，伊讲伊家己真幸运，某kah七个月大ê查某kiáⁿ lóng免受暴力侵犯，但是国难当前，伊tio̍h随时khoán好行李，买「单chōa机票」，初八tio̍h ē到一个基地报到。

　　英国《BBC》记者先飞去赛普勒斯，无想讲前往以色列ê机票lóng总订满，lóng是beh赶转去作兵ê。伊转飞去伊斯坦堡，准备转机去以色列，等待9点钟。真chē旅客陆续上机，干单伊无。航空公司地勤人员kā伊讲，hiah-ê航班是「以色列人回国ê紧急班机」。

以色列启动徵召旅居国外ê后备军人回国，十月初八，以色列驻雅典大使馆chhōa头响应，订20只班机送以色列国籍后备军人赶转去祖国参战。

十月十一新闻报导，美国纽约甘乃迪国际机场chit几工出现一名神秘男子khiātī以色列国家航空柜台附近，tiām-tiām为收tio̍h以色列国防军徵召通知回国ê人买机票，机组人员讲hit-ê人总共已经有买250张飞往以色列ê机票。

爱国拼代先ê以色列人，阮向恁行最敬礼！ (231013)

注：哈玛斯　　加萨走廊　　卡法阿札　　班奈特　　阿夫拉哈米　　赛普勒 　　斯　　伊斯坦堡　　甘乃迪　　　请念华语