《绿色短评》

 | | | 转寄

感谢美国制订十几部thīn台湾抗中国ê法案

作者 李南衡, ChoânTâijī/全台字 by Chng Hūiphêng 2023.03.12


Choânbîn Tâioânjī pán/全民台湾字版简称ChoânTâiJī


[ Le̍ksek toánphêng ] Lí Lâmhêng

Kámsiā Bíkok chètēng cha̍p kúi pō͘ thīn Tâioân khòng Tiongkok ê hoatàn!

Bíkok sîkan jīgoe̍h jīpeh, Bíkok Liânpang Chiònggīīⁿ Gōakau Úigoânhōe chò chi̍t khùi thongkòe 8 pō͘ thīn Tâioân khòng Tiongkok ê hoatàn, kîtiong paukoat [Tâioân pó chèngsi̍t si hoatàn ], iaukiû Bíkok Kokbūkheng tēngkî kiámsī tùi Tâi kauóng chúnchek, chìchió múi 2 nî hiòng kokhōe thêchhut pòkò. Chitê hoatàn ê chúiàu bo̍ktek sī kakiông kokhōe tùi BíTâi koanhē ê kàmtok, khakpó jīmhô Bíkok tùi Tâi chèngchhek ê káipiàn, lóng sī ūitio̍h chhimhòa, kiônghòa siang pêng ê koanhē.

Bíkok Chiònggīīⁿ Gōaúihōe símgī 11 pō͘ thīn Tâioân khòng Tiongkok ê hoatàn, kîtiong 8 pō͘ í kháuthâu piáukoat hongsek thongkòe, tûliáu [ Tâioân pó chèngsi̍t si hoatàn ] ígōa, kîtha 7 pō͘ hoatàn, ū [ Tiongkok m̄ sī khaihoat tiong kok ka hoatàn ], [ thêngchí kiông tiah khìkoan hoatàn] kah [ háité tiānlám kóankhòng hoatàn ] téng. Tùi [ Tiongkok m̄ sī khaihoattiong kokka hoatàn ], Chiònggīīⁿ Gōakau Úigoânhōe chúse̍k Michael McCaul chíchhut, Tiongkok līiōng khaihoattiong kokka ê tēūi, hiòng sèkài gînhâng kē līlu̍t sīmchì bián līsek tāikhoán, kā chîⁿ ēng lâi chìnhêng "Ittài Itlō͘" chèbū hāmchéⁿ gōakau, Bíkok engkai chó͘chí chit hāng hêngûi. Che náchhiūⁿ chi̍tê hógia̍hlâng khì gînhâng ēng chin kē ê līsek chiohchîⁿ chhutlâi, chiah pàng tānglāi chiohchîⁿ hō͘ chinchiàⁿ bô chîⁿ ê sànchhiahlâng.

[ Tâioân póchèng si̍tsi hoat ] ê thêàn chiá, sī Bíkok Chiònggīīⁿ Gōakau Úigoânhōe hù chúse̍k An ōakéná (An Wagner) lúsū, i piáusī chitê hoatàn ū siókhóa siukái 2020 nîté thongkòe ê "Tâioân póchènghoat", i kóng, [ Tâioân póchèng si̍tsihoat] ē iaukiû Kokbūīⁿ tēngkî símcha Bíkok kah Tâioân chiapchhiok ê chítō hongchiam. Chiahê tēngkî símcha kah kengsin tio̍h káisek kai chílâm ánchóaⁿ chhimhòa kah khoktōa BíTâi koanhē, jîchhiáⁿ hoánèng BíTâi koanhē ê kèta̍t, iutiám kah tiōngiàusèng. Tio̍h khólī Tâioân sī chi̍tê bînchú tângphōaⁿ, sī chi̍tê chuntiōng phó͘phiàn jînkoân kah bînchú kèta̍tkoan ê chūiû kah khàihòng ê siāhōe; khakpó kah Tâioân ê koanhē théhiān Bíkok kah Tâioân ê tn̂gkî, choânbīn kiî kèta̍tkoan ê koanhē, jîchhiáⁿ ūitio̍h hôpêng káikoat nn̄g hōaⁿ būntê choh chhut kònghiàn. Chhōe kihōe káitû tùi BíTâi chiapchhiok ê jīmhô iáu lâu ū chūngó͘ hānchè, kah kóng chhengchhó ánchóaⁿ chò ê kèe̍k.

Jīgoe̍h jīpeh chákhí, Bíkok Chiònggīīⁿ Kimiông Ho̍kbū Úigoânhōe bô īgī thongkòe liáu 3 pō͘ sia̍p Tâi hoatàn, [2023 nî Tâioân Chhiongtu̍t Chó͘athoat ], [2023 nî put khîsī Tâioân hoat ], [ póhō͘ Tâioân hoat ]. Lán kantaⁿ lâi khòaⁿ [2023 nî Tâioân Chhiongtu̍t Chó͘athoat ], chúiàu beh hō͘ Tiongkok Kiōngsántóng chaiiáⁿ nāsī hō͘ Tâioân itti̍t biānlîm gûihiám, m̄nā ē hō͘ chin chē Tiongkok koaⁿoân ê châibū kongkò tī Tiongkok kongchiòng bīnchêng, énghióng in tùi Tiongkok ê chiáng khòng, koh ē hō͘ Tiongkok léngtōchân kah in ê kasio̍k biānlîm giâmlē ê kimiông chèchhâi. Che sī kokhōe kàu taⁿ ûichí hoatchhut ê siōng chhengchhó ê sìn hō chi it, iā tio̍h sī kóng siatsú Τiongkiōng léngtōjîn tùi Tâioân ū chhongpōng ê chòhoat, Bíkok chúnpī hō͘ in hùchhut tāikè.

　　Chiahê hoatàn tio̍h koh sàngkau Chiònggīīⁿ Īⁿhōe símgī, Chèng, Chham nn̄g īⁿ thong kòe liáuāu chiah tì tēkau Chóngthóng chhiamsú āu chiah seng hāu. Lán chin kámsiā Bíkok ētàng chètēng cha̍p kúi pō͘ thīn Tâioân khòng Tiongkok ê hoatàn, (230303)


Pe̍h-ōe-jī-pán/白话字版


[ Le̍k-sek toán-phêng ] Lí Lâm-hêng

Kám-siā Bí-kok chè-tēng cha̍p kúi pō͘ thīn Tâi-oân khòng Tiong-kok ê hoat-àn!

Bí-kok sî-kan jī-goe̍h jī-peh, Bí-kok Liân-pang Chiòng-gī-īⁿ Gōa-kau Úi-goân-hōe chò chi̍t khùi thong-kòe 8 pō͘ thīn Tâi-oân khòng Tiong-kok ê hoat-àn, kî-tiong pau-koat [Tâi-oân pó chèng-si̍t si hoat-àn ], iau-kiû Bí-kok Kok-bū-kheng tēng-kî kiám-sī tùi Tâi kau-óng chún-chek, chì-chió múi 2 nî hiòng kok-hōe thê-chhut pò-kò. Chit-ê hoat-àn ê chú-iàu bo̍k-tek sī ka-kiông kok-hōe tùi Bí-Tâi koan-hē ê kàm-tok, khak-pó jīm-hô Bí-kok tùi Tâi chèng-chhek ê kái-piàn, lóng sī ūi-tio̍h chhim-hòa, kiông-hòa siang pêng ê koan-hē.

Bí-kok Chiòng-gī-īⁿ Gōa-úi-hōe sím-gī 11 pō͘ thīn Tâi-oân khòng Tiong-kok ê hoat-àn, kî-tiong 8 pō͘ í kháu-thâu piáu-koat hong-sek thong-kòe, tû-liáu [ Tâi-oân pó chèng-si̍t si hoat-àn ] í-gōa, kî-tha 7 pō͘ hoat-àn, ū [ Tiong-kok m̄ sī khai-hoat -tiong kok -ka hoat-àn ], [ thêng-chí kiông tiah khì-koan hoat-àn] kah [ hái-té tiān-lám kóan-khòng hoat-àn ] téng. Tùi [ Tiong-kok m̄ sī khai-hoat-tiong kok-ka hoat-àn ], Chiòng-gī-īⁿ Gōa-kau Úi-goân-hōe chú-se̍k Michael McCaul chí-chhut, Tiong-kok lī-iōng khai-hoat-tiong kok-ka ê tē-ūi, hiòng sè-kài gîn-hâng kē lī-lu̍t sīm-chì bián lī-sek tāi-khoán, kā chîⁿ ēng lâi chìn-hêng "It-tài It-lō͘" chè-bū hām-chéⁿ gōa-kau, Bí-kok eng-kai chó͘-chí chit hāng hêng-ûi. Che ná-chhiūⁿ chi̍t-ê hó-gia̍h-lâng khì gîn-hâng ēng chin kē ê lī-sek chioh-chîⁿ chhut-lâi, chiah pàng tāng-lāi chioh-chîⁿ hō͘ chin-chiàⁿ bô chîⁿ ê sàn-chhiah-lâng.

[ Tâi-oân pó-chèng si̍t-si hoat ] ê thê-àn chiá, sī Bí-kok Chiòng-gī-īⁿ Gōa-kau Úi-goân-hōe hù chú-se̍k An ōakéná (An Wagner) lú-sū, i piáu-sī chit-ê hoat-àn ū sió-khóa siu-kái 2020 nî-té thong-kòe ê "Tâi-oân pó-chèng-hoat", i kóng, [ Tâi-oân pó-chèng si̍t-si-hoat] ē iau-kiû Kok-bū-īⁿ tēng-kî sím-cha Bí-kok kah Tâi-oân chiap-chhiok ê chí-tō hong-chiam. Chiah-ê tēng-kî sím-cha kah keng-sin tio̍h kái-sek kai chí-lâm án-chóaⁿ chhim-hòa kah khok-tōa Bí-Tâi koan-hē, jî-chhiáⁿ hoán-èng Bí-Tâi koan-hē ê kè-ta̍t, iu-tiám kah tiōng-iàu-sèng. Tio̍h khó-lī Tâi-oân sī chi̍t-ê bîn-chú tâng-phōaⁿ, sī chi̍t-ê chun-tiōng phó͘-phiàn jîn-koân kah bîn-chú kè-ta̍t-koan ê chū-iû kah khài-hòng ê siā-hōe; khak-pó kah Tâi-oân ê koan-hē thé-hiān Bí-kok kah Tâi-oân ê tn̂g-kî, choân-bīn ki-î kè-ta̍t-koan ê koan-hē, jî-chhiáⁿ ūi-tio̍h hô-pêng kái-koat nn̄g hōaⁿ būn-tê choh chhut kòng-hiàn. Chhōe ki-hōe kái-tû tùi Bí-Tâi chiap-chhiok ê jīm-hô iáu lâu ū chū-ngó͘ hān-chè, kah kóng chheng-chhó án-chóaⁿ chò ê kè-e̍k.

Jī-goe̍h jī-peh chá-khí, Bí-kok Chiòng-gī-īⁿ Kim-iông Ho̍k-bū Úi-goân-hōe bô ī-gī thong-kòe liáu 3 pō͘ sia̍p Tâi hoat-àn, [2023 nî Tâi-oân Chhiong-tu̍t Chó͘-at-hoat ], [2023 nî put khî-sī Tâi-oân hoat ], [ pó-hō͘ Tâi-oân hoat ]. Lán kan-taⁿ lâi khòaⁿ [2023 nî Tâi-oân Chhiong-tu̍t Chó͘-at-hoat ], chú-iàu beh hō͘ Tiong-kok Kiōng-sán-tóng chai-iáⁿ nā-sī hō͘ Tâi-oân it-ti̍t biān-lîm gûi-hiám, m̄-nā ē hō͘ chin chē Tiong-kok koaⁿ-oân ê châi-bū kong-kò tī Tiong-kok kong-chiòng bīn-chêng, éng-hióng in tùi Tiong-kok ê chiáng khòng, koh ē hō͘ Tiong-kok léng-tō-chân kah in ê ka-sio̍k biān-lîm giâm-lē ê kim-iông chè-chhâi. Che sī kok-hōe kàu taⁿ ûi-chí hoat-chhut ê siōng chheng-chhó ê sìn hō chi it, iā tio̍h sī kóng siat-sú Τiong-kiōng léng-tō-jîn tùi Tâi-oân ū chhong-pōng ê chò-hoat, Bí-kok chún-pī hō͘ in hù-chhut tāi-kè.

　　Chiah-ê hoat-àn tio̍h koh sàng-kau Chiòng-gī-īⁿ Īⁿ-hōe sím-gī, Chèng, Chham nn̄g īⁿ thong kòe liáu-āu chiah tì tē-kau Chóng-thóng chhiam-sú āu chiah seng hāu. Lán chin kám-siā Bí-kok ē-tàng chè-tēng cha̍p kúi pō͘ thīn Tâi-oân khòng Tiong-kok ê hoat-àn, (230303)



美国时间二月二八，美国联邦众议院外交委员会做一气通过8部thīn台湾抗中国ê法案，其中包括《台湾保证实施法案》，要求美国国务卿定期检视对台交往准则，至少每2年向国会提出报告。Chit-ê法案ê主要目的是加强国会对美台关系ê监督，确保任何美国对台政策ê改变，lóng是为tio̍h深化、强化双旁ê关系。

美国众议院外委会审议11部thīn台湾抗中国ê法案，其中8部以口头表决方式通过，除了《台湾保证实施法案》以外，其他7部法案，有《中国m̄是开发中国家法案》、《停止强摘器官法案》kah《海底电缆管控法案》等。对《中国m̄是开发中国家法案》，众议院外交委员会主席马考（Michael McCaul）指出，中国利用开发中国家ê地位，向世界银行低利率甚至免利息贷款，kā钱用来进行「一带一路」债务陷阱外交，美国应该阻止chit项行为。Che ná像一个好额人去银行用真低ê利息借钱出来，才放重利借钱hō͘真正无钱ê散赤人。

《台湾保证实施法》ê提案者，是美国众议院外交委员会副主席An ōakéná（Aⁿ Wagner）女士，伊表示chit-ê法案有小可修改2020年底通过ê「台湾保证法」，伊讲，《台湾保证实施法》ē要求国务院定期审查美国kah台湾接触ê指导方针。Chiah-ê定期审查kah更新tio̍h解释该指南按怎深化kah扩大美台关系，而且反映美台关系ê价值、优点kah重要性。Tio̍h考虑台湾是一个民主同伴，是一个尊重普遍人权kah民主价值观ê自由kah开放ê社会；确保kah台湾ê关系体现美国kah台湾ê长期、全面基于价值观ê关系，而且为tio̍h和平解决两岸问题作出贡献。Chhōe机会解除对美台接触ê任何犹留有自我限制，kah讲清楚án-chóaⁿ做ê计划。

二月二八早起，美国众议院金融服务委员会无异议通过了3部涉台法案：《2023年台湾冲突阻遏法》、《2023年不歧视台湾法》、《保护台湾法》。咱kan-taⁿ来看《2023年台湾冲突阻遏法》，主要beh hō͘中国共产党知影若是hō͘台湾一直面临危险，m̄-nā ē hō͘真chē中国官员ê财务公告tī中国公众面前、影响in对中国ê掌控，kohēhō͘中国领导层kah in ê家属面临严厉ê金融制裁。Che是国会到taⁿ为止发出ê上清楚ê信号之一，也tio̍h是讲设使中共领导人对台湾有仓皇（chhong-pōng）ê做法，美国准备hō͘ in付出代价。

　　Chiah-ê法案tio̍h koh送交众议院院会审议，众、参两院通过了后才递交总统签署后才生效。咱真感谢美国ē-tàng制订十几部thīn台湾抗中国ê法案， (230303)